تفاصيل وصول نجمه مصر " أيوتا " إلي مطار القاهره .. يوم السبت 9 - 5 - 2009

تفاصيل وصول آيه سالمه إلي أرض الوطن

معاد وصول آيه كان الساعه 7
بس هيا اتاخرت شويه وصلت 7 ونص
وعقبال مالاجراءات خلصت جوا .. خرجت عالساعه 8 الا تقريبا
كان في استقبالها كل من :
سراج - شاهيناز ونورا واخت تانيه - ميسون - ديالا
وشباب وبنات كانو معاها فالكاستنج بس محالفهموش الحظ

ووالد ووالده آيه واخواتها الاتنين محمد و احمد
وقرايبها خيلانهم وعمامها

آيه فالبدايه اول حاجه شوفناها وهيا جوا بتخلص الاجراءات والكل واقفلها رافع أعلام مصر وعمالين نقول آيه آيه آيـــه
وهيا سمعت صوتنا و بصت لقت اعلام مصر وناس كتير واقفالها اتخضت وفرحت كتير وشاورت بإيديها للكل عقبال ما تخلص الاجراءات

وبعد ما خلصت الاجراءات طلعت والكل كان واقف وسادد الطريق طبعا
وكلنا بنقول بصوت عالي آيه آيه بوم بوم تاك تاك يا آيه يا آيه
وآيه عماله تضحك ومبسوطه اوي
وماشاء الله طول الوقت الضحكه مفارقتش وشها .. ويارب دايما
وبعدين سلمت عليها شاهيناز وديالا وسراج وميسون وكل الناس
وسلمت على طنط مامتها وحضنتها

والناس اتصورت معاها كتير وتليفونات كتير كتير جتلها ..
مكانتش بصراحه ملاحقه تتصور ولا ترد على تليفونات الناس ولا تتكلم مع اللي مستقبلينها بالمطار

آيه قالت انها مش زعلانه انها خرجت
وانها ستار اكاديمي 6 فعيون كل الناس اللي بيحبوها

سراج قال لـ والده آيه
آيه خرجت دلوقتي بسبب دعاكي ليها بجد
لان اللي يخرج رقم 9 ده بيكون محظوظ و اهله بيكونو داعيينله
لانه مبيتعلقش بعقود الاحتكار زي اخر 8 .. زي ما حصل مع شاهيناز كده
وطنط بتقوله الحمد لله الحمد لله على كل شئ

و سألت ميسون إيه رأيك بجد فـ آيـه
قالتلي آيه بجد محترمه اوي وشرفت مصر فعلا
وغير كده صوتها حلو

وقلت لسراج انت لازم تدخل سايت آيه مره تنورنا فيه
وقلت لميسون كمان قالتلي ركبو شات صوتي وندخل كلنا سوا نكلم آيه عليه
قلتلها بيس

وشاهيناز قالت لـ طنط حمدلله على سلامه آيه بجد هيا كويسه ومحترمه وشرفت مصر
ووالده شاهيناز بتحب آيه اوي وقالتلها لما تشوفي آيه خليني اكلمها
واتصلت بوالدتها عالموبايل وخلتها تكلم آيه

قلت لـ آيه متصدقيش ابدا ان دي نسبتك والله نسبتك انتي كانت اعلي واحده
وعايزه تتأكدي من كده بعيد عن الكلام اللي نازل عالمنتديات
شوفي الفيديوهات اللي متسجله بعد النومنيه وشوفي فيهم شات القناه هتلاقي كله كان بيبعت ليكي
وقليل كانو بيبعتو لعزوز ويحيي
قالتلي عارفه والله انا بعد ما خرجت وانا فلبنان فتحت القناه وشوفت الشات تحت وكده

ووصلتلها سلام اهل اسكندريه والصعيد اللي كان نفسهم يكونو فالمطار
وكمان اللي عندهم امتحانات دلوقتي
قالت والله كأنهم جم بجد
وكانت مبسوطه بكل اللي كانو موجودين هناك وقعدت تشكر الكل

سألنا طنط إذا كانت آيه رجعت بكل الهدايا
قالت آيه رجعت بكل الهدايا اللي وصلتها بس مدولهاش الفلوس
قالولها لما ترجعي مصر هنحولهالك او حاجه كده

و طبعا ( موت يا حمار ) هياكلوها عليها زي معملو مع شاهيناز فأغنيتها اللي كسبتها من البرنامج . ولا انتو ايه رأيكو ؟؟

و آيه مبسوطه انها شرفت مصر بجد ومسمعتش كلامهم هناك ولا استسلمت لضغطهم عليها
وقلنالها اننا بنحبها عشان كده

واحده قالت لـ آيه .. آيه انتي غلطتي لما مصوتتيش لـ ديالا
آيه قالتلها آه بجد انا فعلا غلطت وانا هروح اعتذرلها دلوقتي
وفعلا مشيت وراحتلها عشان تعتذرلها عن الموضوع ده

وفضلت آيه مع الناس كلهم واتكلمت واتصورت مع الكل

وعلى فكره آيه رفيعــــــــــــــــه جدااااااااااااا .. التليفزيون كان مبينها مليانه كتير
انا استغربت لما شوفت جسمها كده بجد
يخربيت التليفزيون وعمايله

وآيه كانت عروسه متوجهه فاليوم ده وروحت فعربيه متزوقه بورود وحاجات حلوه كده

اكتر حاجه بسطتني فاليوم ده هو أن آيه كانت مبسوطه أوي بكل الناس
وعرفت قد إيه ناس بتحبها
عكس ما كانو حاطين فدماغها فالاكاديمي

انا كنت مقهوره على خروج آيه بس قلت اللي هيبرد ناري
اني اشوف آيه بعيني مبسوطه وبتضحك ومش هاممها خروجها
وقد كان

شكرا على المجهود

ميرسي علي الحصريات

مشكور تيتو علي الاخبار

» فيديو وصول نجوم ستار اكاديمي 5 و 6 مطار عمان
» تردد قناة "فلاش" لمشاهدة برنامج "شارع برهوم"
» ~""~ فــتــاوي رمـــضــانــيــه تــهــم الـصــائـم~""~
» تاجيل حفلة جزيرة المعادى ... تفاصيل
» بحبك اخر حاجة " احمد مصطفى " نييس NiiiiiS